صوت مصر
بحب في يوم عيد ميلادي ابقي مع الناس اللي بحبهم اصحابي القربين واهلي ويا سلام لو في مفاجاه لذيذه
صفاتي من برج الحوت حنين وعاطفي و مبدع و عاشق دائم طول الوقت مع حبيب او حتي مع افكاره
الجمله العميقه الذيذه اللي دايما حطاها قدامي حتي علي موبايلي علشان افتكرها علي طول (لا تسيري مع الطيار بل كوني انتي الطيار)
الشخص اللي اتمني اني اشد الفيشه افكر بدماغه هي اماليا بنتي اتمني اشيل الفيشه واعيش العالم بروحها طفله سنتين ونص مش خايفه من حاجه ممكن تعيط وبعدها بدقيقه تضحك هي شايفه العالم بروح مكتشفه ومغامره معندهاش مخاطر محبه مقبله علي الحياه ربنا يحفظ كل اطفالنا
في يوم عيد ميلادي ابعت رساله لوالدي الله يرحمه انا متاكده انه في مكان احسن ولكن طول الوقت اتمني انه يبقي معايا وامني اني اكون خير امتداد ليه
اقول لماما صحبتي القريبه وحياتي ربنا ميحرمنيش منك وانتي دايما سند ليا
اقول لجوزي انت حب عمري وسندي و صاحبي وكل اهلي ربنا يخليك ليا
وعن سنه فاتت و سنه جديده بتبدا (انا ممتنه لكل يوم في ستر من ربنا و علي دوام النعمه و علي اي نعمه زالت وجت بدلها نعمه جديده)
اما عن اعمالي الفتره اللي جايه خلصت 10 حلقه اسمها وش تالت و داخله الاسبوع اللي جاي اكمل 15 حلقه قصه تانيه علشان يكملوا 30 حلقه لرمضان ودي تبقي اول بطوله ليا دعواتكم بالتوفيق يا رب
