محمود حافظ العسكرى سعد في مسلسل” الإختيار ” و الصول إسماعيل في فيلم” الممر”

هما الاتنين شخصيتين مختلفين تماما في التفاصيل لكنهم يتفقان علي طبيعة المصرى الشهم الوطني البسيط  اللي ممكن يموت نفسه علشان بلده وأهله ..النموذج ده موجود حوالينا كتير في الصعيد وفي الأرياف .. مقسم حياته نصيين ..نص علي الحدود والنص التاني لما يرجع يقضيه وسط الغيط يزرع ويحصد ..تفاصيل كتير  عمرك ماتقدر تستوعبها إلا لما تعيشها أو تشوفها بنفسك..محمود حافظ قدر يخليك تعيش وتشوف ده يمكن علشان شخصيتة في الحقيقة متختلفش كتير عن اللي اتكلمنا فيه من ناحية الجدعنة والشهامة ..وده خلاه ببساطة شديدة قدر ينجح في الممر ويسبب بصمة كبيرة في مشوارة الفني وفي تاريخ السينما  ومتقدرش مهما عدت السنين تنسى شخصية الصول إسماعيل  ..وفي الإختيار من أول حلقة قدر يحافظ علي التطور الفني اللي ماشي عليه .. رغم أن المسلسل خرجت حلقاته الأولي بشكل محترف ونجاح كبير لكل الصناع ..إلا أنك مع الوقت مش هتقدر لما تسمع الريس حفني في موال ”  انا واحشاني بلدي ..انا اللي غربة طالت عليا” ومتفتكرش العسكري سعد وهو بيغنيها .
محمود حافظ معجون تمثيل بجد ..مش هتكلم عن دوره في الفتوة لأن دي مفاجأة تاني خالص